Алматыда веложарысқа байланысты жексенбі күні кей көшелерде көлік қозғалысы шектеледі

Осы жексенбі, 6 тамыз күні Алматыда Tour of World Class Almaty веложарысы өтеді, соған байланысты жарыс өткізілетін жерлердегі жолдың кейбір бөлігінде қозғалыс ішінара шектеледі. Бұл туралы "Алматы-марафон" қорының сайтында хабарланды.

Веложарыс Almaty Arena көпфункционалды кешенінің аумағынан басталады.

Сайттың хабарлауынша, жарыс кезінде мынадай көшелерде көлік қозғалысы шектеледі:

• Момышұлы көшесінен Доспанова көшесіне дейінгі Almaty Arena-ға іргелес жолдың қысқа бөлігі 6 тамызда сағат 02:30-дан 17:30-ға дейін екі бағытқа да жабылады;
• Доспанова көшесімен айналма жолдан Аднан Мендерес көшесіне дейінгі қозғалыс екі бағытта да сағат 06:00-ден 09:50-ге дейін;
• Момышұлы көшесі бойынша Аднан Мендерес көшесінен Мөңке Би көшесіне дейінгі қозғалыс 06:00-ден 09:50-ге дейін;
• Момышұлы көшесінен Мөңке Би көшесі бойымен Момышұлы көшесінің жалғасына дейінгі қозғалыс 06:00-ден 09:50-ге дейін;
• Момышұлы көшесі бойынша Мөңке Би көшесінен БАК бойындағы көшеге дейінгі қозғалыс 06:00-ден 09:50-ге дейін;
• БАК бойындағы Момышұлы көшесі бойымен экологиялық бекетке дейінгі қозғалыс 06:00-ден 09:00-ге дейін шектеледі.
• Индустриялық аймақтың айналасындағы қозғалыс 06:00-ден 09:00-ге дейін жабылады.

Деректер веложарысқа қатысушылардың қозғалыс уақытын ұтымды бөлуді ескере отырып енгізілгені туралы атап өтілді.

"Іс-шара күні қоғамдық көлік қүнделікті режимде жұмыс істейтінін және оған жеке жолақ бөлінетінін атап өту маңызды.", - делінген ұйымдастырушылардың хабарламасында.