Астанада нөсер жауып, қала көшелерін су басты (видео)

Жексенбі, 6 тамызда елордада бұршақпен бірге қатты жаңбыр жауып, салдарынан Астана көшелерін су алды. Астаналықтар әлеуметтік желіде толассыз жаңбырдан кейінгі жағдайдың кадрларымен бөлісуде, деп жазады KAZ.NUR.KZ.

Елордада кеше бұршақ пен қатты жаңбыр жауып, найзағай ойнады. Толассыз жауған жаңбырдың салдарынан көшелер мен жолдарды су басты, соның салдарынан тіпті автобустар да шалшыққа батты.

Telegram-дағы арналар мен Instagram парақшаларда жауын-шашынның салдарын көруге болады: жолды бірнеше сантиметр су басқан.

ТЖМ Telegram-дағы парақшасында жауын-шашынның көп түсуіне байланысты Б.Момышұлы даңғылы Мен Қошқарбаев даңғылынан Тоқпанов көшесіне дейінгі жол бөлігін су басқанын мәлімдеді.

Ведомство мәліметінше, су сору жұмыстарын тек коммуналдық қызметтер ғана емес, Астана қаласы Төтенше жағдайлар департаментінің өрт-сорғы станциялары да жүргізген.

Сағат 22:15-те суды сору жұмыстары аяқталғаны атап өтілді. Елордалық ТЖД күштері мен құралдары 910,8 текше метр су сорған.

Астана әкімдігінің Telegram-дағы ресми парақшасы көшелерден су сору жұмыстарына 100-ден астам техника, атап айтқанда, (ассенизаторлық машиналар мен мотопомпалар) жұмылдырылғанын мәлімдеді.

"Elorda eco system"мекемесі жерүсті суларды бұруды қамтамасыз ету мақсатында тұрақты негізде тиісті шаралар жүргізіп жатыр: коллекторлар мен жаңбыр қабылдағыштарды тазарту, құбырларды буландыру, су шығару. Сондай-ақ нөсер кәріз жүйелері мен тазартуға арналған құрылыс жұмыстары жүргізіліп жатыр", -делінген әкімдік хабарламасында.

Әкімдік мәліметінше, бұған дейін осы іс-шаралардың арқасында 201 проблемалық учаскедегі су тасқыны проблемасын шешуге мүмкіндік берді.

2023 жылы жерүсті суларды бұру үшін 2,5 км магистральдық нөсер кәріз желілерін салу жоспарлануда.