Бүгін еліміздің мегаполистерінде ауа райы қандай болады
Жарияланған күні:
Синоптиктер болжауынша, бүгін, 8 тамыз күні Қазақстанның ірі қалаларында жаңбыр жауып, найзағай ойнайды. Бұл туралы "Қазгидромет" РМК ресми сайтында хабарланды.
Синоптиктер мәліметінше, бүгін Астанада күн ашық. Жел жылдамдығы секундына 7-12 м/с. Елордада күндіз ауа температурасы 28... 30 градусқа дейін көтерілсе, түнде 14... 16 градусқа төмендейді деп күтілуде.
Алматыда бүгін жауын-шашынды ауа райы күтіледі. Оңтүстік астанада найзағай ойнайды, күндіз термометр 28... 30 градусты көрсетсе, түнде ауа температурасы 18... 20 градусқа төмендейді. Жел жылдамдығы 3-8 м/с, найзағай кезінде 15-20 м/с дейін жетеді.
Шымкентте де күн жауын-шашынды және найзағай ойнайды. Күндіз термометр 31... 33 градусты көрсетсе, түнде мегаполисте ауа температурасы 19... 21 градусқа төмендейді. Желдің жылдамдығы 8-13 м/с, найзағай кезінде 15-20 м/с дейін жетуі ықтимал.
Мақаланың түпнұсқасы: https://kaz.nur.kz/society/2031598-bugin-elimizdin-megapolisterinde-aua-raiy-qandai-bolady/