Маңғыстау облысында даладан адамның бас сүйегі табылды

Маңғыстау облысында даладан адамның бас сүйегі табылды. Оны көлікпен өтіп бара жатқан жолаушы байқаған, деп хабарлайды "КТК" арнасы.

Арна мәліметінше, әлеуметтік желіде таралған бейнежазба көптің үрейін ұшырған. Жазық далада табылған адамның бас сүйегі қашан тасталғаны белгісіз. Айдалада ойықтың ішінде жатқан бас сүйекті көлігін тоқтатып тынығып тұрған жолаушы байқаған.

Сонымен қатар "КТК" арнасы қазіргі уақытта полиция әлеуметтік желіде пайда болған бейнематериалды мұқият зерттеп, кадрлардың қашан және қай жерде түсірілгені, сондай-ақ оның Маңғыстау облысына қатысы бар-жоғын анықтау үстінде екенін атап өтті.