Жаңбыр, найзағай, бұршақ: алдағы күндері елімізде ауа райы қандай болады

Синоптиктер алдағы үш, яғни 12-14 тамызға арналған ауа райы болжамын ұсынды, деп хабарлайды "Қазгидромет" РМК баспасөз қызметіне сілтеме жасаған KAZ.NUR.KZ.

Метеорологтардың мәліметінше, алдағы күндері республиканың басым бөлігінде тұрақсыз ауа-райы күтіледі.

Атап айтқанда, еліміздің солтүстігінде, шығысында және орталығында жаңбыр, кей уақыттарды қатты жаңбыр жауып, найзағай, бұршақ, 15-28 м/с дейін екпінді жел күтіледі. Найзағай кезінде дауылды жел болуы ықтимал.

Еліміздің солтүстік-батысында, солтүстігінде, орталығында түнгі және таңертеңгі сағаттарда тұман күтіледі. Қазақстанның батысында, солтүстік-батысында және оңтүстігінде жауын-шашынсыз, күн ашық болады.

12-13 тамызда Атырау облысының оңтүстік-батысында 42 градусқа дейінгі өтте қатты ыстық сақталады.

Ал солтүстік, шығыс және орталық облыстарда салқын ауа-райы күтіледі. Яғни ауа температурасы күндіз 12-20 жылыға дейін төмендейді, еліміздің оңтүстік-шығысында 20-28 жылыға дейін төмендеуі күтеледі.

Мәтіннен қате тапсаңыз, бізге жазыңыз