Бүгін еліміздің ірі қалаларында ауа райы қандай болады

Бүгін Астана мен Алматыда жаңбыр жауады. Ал Шымкентте күн ашық болады деп күтілуде. Бұл туралы KAZ.NUR.KZ "Қазгидромет" РМК баспасөз қызметіне сілтеме жасап хабарлайды.

12 тамызда елордада күн бұлтты, жаңбыр жауып, найзағай ойнауы мүмкін. Түнде және таңертең тұман күтіледі. Солтүстік-батыстан соққан желдің жылдамдығы түнде 3-8 м/с, күндіз 9-14 м/с, екпіні 15-20 м/с жетеді. Түнде +10...+12 градус, күндіз +15...+17 градус жылы болады.

Сенбіде Алматыда күн бұлтты, күндіз қатты жаңбыр мен бұршақ жаууы ықтимал. Кейде найзағай ойнайды. Солтүстік-батыстан жел соғып, жылдамдығы 3-8 м/с, найзағай кезінде 15-20 м/с, кейде 25 м/с дейін жетуі мүмкін. Оңтүстік астанада түнде +19...+20 градус, күндіз +26...+28 градус жылы болмақ.

Бүгін Шымкентте күн ашық болады. Солтүстік-батыстан жел соғып, жылдамдығы 8-13 м/с, күндіз екпіні 20 м/с жетуі мүмкін. Түнде +18...+20 градус, күндіз +29...+31 градус жылы болады деп болжануда.

Мәтіннен қате тапсаңыз, бізге жазыңыз