Top.Mail.Ru

Сайт нұсқасы

ru kz

Зектілері

"Есік күшпен ашылды": Алматыдағы пәтерлердің бірінен адам төзгісіз жағдайда өмір сүріп келген "маугли" балалар табылды

Опубликовано:

Балалар тұрып жатқан үйдегі көрініс
Балалар тұрып жатқан үйдегі көрініс. Фото: polisia.kz

Алматыдағы Медеу ауданындағы пәтерлердің бірінен "маугли" балалар табылды. Анасымен бірге тұратын балалар адам төзгісіз жағдайда өмір сүріп келген. Қалалық полиция департаменті әйел ата-ана құқығынан айырылатынын жеткізді, деп хабарлайды Polisia.kz ақпараттық медиа-порталы.

Басылымның ақпаратына сай, Медеу аудандық ПБ ювеналды полиция бөлімінің инспекторы бірнеше күн бойы полицияда есепте тұрған 41 жастағы Х. есімді азаматшаның отбасын тексеруге әрекеттенген.

"Бұл отбасын биыл мамыр айында тіркедік, балалардың анасы Павлодардан келген. Тексеру кезінде әйел байланысқа шығуға құлықсыз болды. Кезекті тексеру барысында, 8 тамызда бірдеңенің дұрыс емес екенін сездім: үйде дыбыстар естілді, бірақ есікті ешкім ашпады.

Менің дабылым бойынша оқиға орнына жергілікті учаскелік инспектор, ТЖД қызметкерлері мен қамқоршылық өкілдері тартылды.

Есік күшпен ашылды. Сараптамамен расталғандай, әйел үйде "орташа дәрежедегі" алкогольдік масаң күйде болған.

2016 жылы туған қыз балаға, 2018 жылы туған ұл балаға және 2020 жылы туған тағы бір ұл балаға күтім жасалмаған. Үйдің іші лас болды. Балалар бірден өмірлік қиын жағдайға тап болған балаларға қолдау көрсету орталығына жеткізілді", – дейді Медеу аудандық ПБ ЮПБ кәмелетке толмағандар істері жөніндегі учаскелік инспекторы Айжан Бутабаева.

Медеу аудандық полиция басқармасы басшылығының мәліметінше, іс материалдары жинақталып, әйелді одан әрі ата-аналық құқығынан айыру үшін 2023 жылдың 18 тамызында кәмелетке толмағандардың құқықтарын қорғау комиссиясына жолданатын болады.

Мақаланың түпнұсқасы: https://kaz.nur.kz/society/2032654-almatydagy-paterlerdin-birinen-adam-tozgisiz-zagdaida-omir-surip-kelgen-maugli-balalar-tabyldy/

pixel