Бүгін Қазақстан мегаполистерінің бірінде 37 градусқа дейін қатты ыстық күтіледі

Синоптиктер бүгін, 23 тамызда ауа райы болжамы бойынша Қазақстанның үш ірі қаласында аптап ыстық күтіледі деп болжады. Бұл туралы "Қазгидромет" РМК ресми сайтында хабарлады.

Метеорологтардың мәліметінше, бүгін Астанада жауын-шашын күтілмейді, бірақ көшпелі бұлт шығады. Елордада күндіз ауа температурасы +31...+33 градусқа дейін көтерілсе, түнде +17...+19 градусқа дейін төмендейді. Желдің жылдамдығы 9-14 м/с болады деп күтілуде.

Синоптиктер 23 тамызда Алматыда күн ашық, жауын-шашынсыз болады деп болжады. Күндіз термометр көрсеткіші +32...+34, түнде +18...+20 градусты көрсетеді. Оңтістік астанада күндіз жел жылдамдығы 0-5 м/с болады.

Сәрсенбіде Шымкентте аптап ыстық сақталады. Күндіз ауа температурасы +35 ... +37 градусқа дейін көтерілсе, түнде мегаполисте аздап салқындап, темометр +20 ... +22 градусты көрсетеді. Қалада бүгін желдің жылдамдығы 8-13 м/с жетуі ықтимал.

Мәтіннен қате тапсаңыз, бізге жазыңыз