Алматыда түндегі толассыз жаңбыр кезінде екі турист тауда адасып кеткен

Алматыда кеше түнде екі турист қатты жаңбыр жауған кезде Іле Алатауы тауларында адасып қалды. Құтқарушылар оларды Фурманов шыңына бара жатқан жолда тапты, деп хабарлады Төтенше жағдайлар министрлігінің ресми сайтында.

Ведомство мәліметінше, 27 тамызда Медеу ауданындағы тауларда екі турист адасып кеткені туралы хабарлама түскен.

Сағат 21:45-те ТЖМ Республикалық жедел-құтқару жасағының құтқарушылары туристерді іздеуге аттанды, оның ішінде бір кинологиялық есеп бар.

"Тауда қатты жаңбыр жауып, іздеу-құтқару жұмыстары қиын климаттық жағдайларда жүргізілді. Сағат 00:15-те ер адамдар, Фурманов шыңының "качели" аймағына барар жолда, Кімасар асуының жоғарғы ауданынан табылды", - делінген хабарламада.

ТЖМ Республикалық жедел-құтқару жасағының құтқарушылары таудағы қауіпсіз сапардың кейбір ережелерін еске салды. Қажетті заттар:

• қосалқы киім жиынтығы,
• телефонға арналған қосымша қуат көзі,
• қол шам,
• су өткізбейтін қапқа салынған сіріңке,
• алғашқы көмек жинағы болуы керек.
• GPS навигаторы мен шағылыстыратын көкірекше болған абзал.

"Түстен кейін зерделемеген бағытқа шықпау, бейтаныс соқпақпен бағытты қысқартып жүру ұсынылмайды. Жорықтың негізгі бөлігі таңертең, күн жарықта жүрілу керек", - деп ескертті Республикалық жедел-құтқару жасағының құтқарушылары.