Білім күнінде атыраулықтар қоғамдық көлікте тегін қатынайды
Жарияланған күні:

Атырау тұрғындары мен оқушылары 1 қыркүйекте қоғамдық көлікпен тегін қатынайды. Бұл туралы Атырау қаласының әкімі Шәкір Кейкин Instagram-дағы ресми парақшасында хабарлады.
Атырау қаласының әкімі Шәкір Кейкиннің айтуынша, бұл ұсыныс жолаушы тасымалдайтын кәсіпорындар тарапынан қолдау тапқан.
"Оқу жылының алғашқы күнінің маңыздылығын ескеріп, ата-аналар мен оқушылардың, мұғалімдер мен басқа да қала тұрғындарына көтеріңкі көңіл-күй сыйлау мақсатында автобуста тегін қатынау туралы "Ақжайық", "Атырау", "Алғабус" автопаркі басшыларына ұсыныс білдірген болатынмын. Аталған автопарк басшылары ұсынысымды бірауыздан қолдап, 1 қыркүйек күні Атырау қаласы және қалаға қарасты елдімекендерге қатынайтын барлық маршруттағы автобустардың тегін қызмет көрсетеуге дайын екенін айтты", - деді қала әкімі.
Шәкір Кейкин мектеп табалдырығын аттағалы тұрған оқушыларды, ұстаздар мен ата-аналарды Білім күнімен құттықтап, жаңа оқу жылына сәттілік тілейтінін атап өтті.
Мақаланың түпнұсқасы: https://kaz.nur.kz/society/2034657-bilim-kuninde-atyraulyqtar-qogamdyq-kolikte-tegin-qatynaidy/