"Басым бөлігінде жаңбыр": сейсенбіде Қазақстанда ауа райы қандай болады

Синоптиктер 5 қыркүйек, сейсенбіде ел аумағында ауа райы қандай болатынын болжады. Бұл туралы "Қазгидромет" РМК ресми сайтында хабарлады.

Метеорологтардың мәліметінше, бүгін еліміздің басым бөлігінде жаңбыр жауады, оңтүстік-шығыстың таулы аудандарында жаңбыр, жылбысқы қар түрінде жауын-шашын түседі.

Сондай-ақ республика бойынша найзағай, екпінді жел, бұршақ, Қазақстанның солтүстік-батысында, солтүстігінде, орталығында, оңтүстік-шығыстың таулы аймақтарында тұман күтіледі.

Синоптиктердің болжамынша, бүгін тек еліміздің батысы мен оңтүстігінде жауын-шашынсыз күн ашық болады.

Бұдан бөлек, бүгін де Жамбыл облысында, Қызылорда облысының шығысында, оңтүстігінде, орталығында, Атырау облысының солтүстік-батысында, солтүстік-шығысында, оңтүстігінде, Ақтөбе облысының батысында, Батыс Қазақстан облысының оңтүстік-батысында, солтүстік-батысында, солтүстігінде, шығысында өрт шығу қаупі сақталады.

Мамандар ал Батыс Қазақстан облысының оңтүстігінде, орталығында, Павлодар, Қарағанды, Ұлытау облыстарының оңтүстігінде, Маңғыстау облысының батысында, оңтүстігінде өрт шығу қаупі жоғары екенін ескертіп отыр.

Мәтіннен қате тапсаңыз, бізге жазыңыз