Қазақстанда телехабар тарату қашан қалпына келтірілетіні белгілі болды
Опубликовано:
![Теледидар пульті. Көрнекі сурет Теледидар пульті. Көрнекі сурет](https://cdn.nur.kz/images/1120x630/a3bc7605fdf3a514.jpeg)
Байланыс және телеарна хабарын тарату операторларына қызмет көрсету сервисін қалпына келтіру 16 қыркүйекте, шамамен сағат 12:00-ге жоспарланған. Бұл туралы ҚазАқпарат KazSat-3 компаниясының баспаcөз қызметіне сілтеме жасап хабарлады.
Агенттік мәліметінше, қазіргі кезде "Республикалық ғарыштық байланыс орталығы" АҚ ұлттық операторы ғарыш аппаратын жасаушы "М.Ф.Решетнев атындағы ақпараттық жерсерік жүйесі" АҚ-мен бірлесе сервистерді қалпына келтіру жұмыстарын жалғастырып жатыр.
Таратылған мәліметке қарағанда, байланыс және телеарна хабарын тарату операторларына қызмет көрсету сервисін қалпына келтіру 16 қыркүйекте шамамен сағат 12:00-ге жоспарланған.
"KazSat-3" ғарыш аппаратындағы бұл жағдайдың себебін анықтау бойынша жұмыс жалғасып жатыр. Тексеріс нәтижесі бойынша аппаратты құрастырушы кәсіпорын қажет болған жағдайда спутниктің бағдарламалық жүйесін жетілдіру бағытында тиісті ұсыныстарды әзірлейді", - делінген хабарламада.
Мақаланың түпнұсқасы: https://kaz.nur.kz/society/2036856-qazaqstanda-telexabar-taratu-qasan-qalpyna-keltiriletini-belgili-boldy/