"Оператор РОП" ісі: Бас прокуратура Әлия Назарбаеваға қатысты өтініш туралы айтты

Мәжіліс кулуарында Бас прокурордың орынбасары Әсет Чиндалиев Әлия Назарбаеваға қатысты қадағалау органына өтініш түскен-түспегенін айтты, деп хабарлайды KAZ.NUR.KZ тілшісі.

Журналистер "Оператор РОП-тың" және нақтырақ айтсақ, Әлия Назарбаеваға қатысты сұрақ қойды.

"Мен өтінішті көрген жоқпын. Мен сізге айттым: егер қандай да бір қылмыс құрамы болса, қандай да бір ақпарат болса, қылмыстық қудалау туралы шешімді қылмыстық қудалауды жүзеге асыратын тиісті мемлекеттік органдар қабылдауы тиіс", – деді ол.

Оның айтуынша, шешімді Антикор, Экономикалық тергеу қызметі немесе Ішкі істер министрлігі қабылдай алады.

"Егер ақпарат келіп, қандай да бір дәлелдер болса, олар шешім қабылдауы керек, әзірге менде ондай ақпарат жоқ", - деп түйіндеді Әсет Чиндалиев.