ҰҚК Астана тұрғындарына үндеу жасады

Ұлттық қауіпсіздік комитеті 18-19 қазанда Астана қаласының өндірістік аймағында терроризмге қарсы оқу-жаттығулар өтетінін хабарлады.

"2023 жылғы 18-19 қазанда Ұлттық қауіпсіздік комитетінің Арнайы мақсаттағы "А" қызметінің қатысуымен Астана қаласының өндірістік аймағында "Күз-2023" тактикалық оқу-жаттығуы өткізіледі.

Кепілге алынған кісілерді босату мен террористерді жою бойынша кешенді жаттығу әрекеттерін орындау жоспарланған.

Сондай-ақ оқу-жаттығу шеңберінде өзге аумақтардын терроризмге қарсы операциясының шартты ауданына ҰҚК арнайы мақсаттағы бөлімшелерін жөнелту бойынша шаралар қарастырылған", - делінген ҰҚК ресми сайтында жарияланған хабарламада.

Естеріңізе сала кетейік, қыркүйекте Алматыда жер сілкінісі кезіндегі іс-қимылдар бойынша ауқымды оқу-жаттығу өткен еді.

Мәтіннен қате тапсаңыз, бізге жазыңыз