Алматыдан қала маңындағы елдімекенге қатынайтын жаңа автобус бағыты іске қосылады

20 қазаннан бастап Алматыдан Қарғалы ауылына дейін қатынайтын жаңа автобус бағыты іске қосылмақ. Автобустардың қозғалыс интервалы 17 минутты құрайды, деп хабарлайд KAZ.NUR.KZ қала әкімдігінің баспасөз қызметіне сілтеме жасап.

Әкімдіктің мәліметінше, қаладан Қарғалы ауылына дейін қатынайтын автобус – №236. Жаңа автобустың 12-і халыққа қызмет көрсетеді. Автобус мына схема бойынша жүреді: Төле би - Яссауи бұрылу алаңы - Қарғалы ауылы.

Қызмет көрсету "Neo City Trans" ЖШС тасымалдаушысына берілген, автобустардың маркасы ISUZU HC-40.

Әкімдік 2023 жылы Алматыдан қала маңындағы 25-ке жуық елдімекенге қатынайтын жаңа маршруттарды ұйымдастыру жоспарланғанын атап өтті. Ал 2024 жылы 50 елдімекенді қамту жоспарланған.

Бұған дейін қала маңындағы елдімекендерге №223, №233 және №240 автобустар жүре бастаған болатын.