"Жаңбыр, тұман": бүгін елімізде ауа райы қандай болады

Синоптиктер бүгін, 25 қазанда елімізде ауа райы қандай болатынын болжады, деп хабарлайды KAZ.NUR.KZ "Қазгидромет" РМК ресми сайтына сілтеме жасап.

Метеорологтардың мәліметінше, атмосфералық фронталды бөліктердің өтуіне байланысты республиканың басым бөлігінде құбылмалы ауа райы сақталады.

Мәселен, еліміздің бірқтар өңірінде жауын-шашын (жаңбыр, қар), солтүстік-батыста, солтүстікте көктайғақ күтіледі.

Тек елдің оңтүстігінде, оңтүстік-шығысында, шығысында антициклонның әсерінен жауын-шашынсыз ауа райы болуы ықтимал.

Синоптиктердің болжамынша, Қазақстан бойынша тұман түсіп, жел күшейеді.

Түнде Жетісу облысының орталығында, Жамбыл облысының таулы аудандарында 3 градус үсік, Алматы облысының солтүстігінде топырақ бетінде 1 градус үсік күтіледі.

Мәтіннен қате тапсаңыз, бізге жазыңыз