АМТ Костенко атындағы шахта кеншілерінің еңбекақысына қатысты мәлімдеме жасады

"АрселорМиттал Теміртау" АҚ Костенко атындағы шахта кеншілерінің еңбекақысына қатысты мәлімдеме жасады, деп хабарлайды KAZ.NUR.KZ компанияның ресми сайтына сілтеме жасап.

Компания таратқан мәліметке сүйенсек, 2023 жылғы 28 қазаннан бастап "АрселорМиттал Теміртау" АҚ Костенко шахтасында барлық жұмыс түрі келесі бұйырық шыққанша тоқтатылған.

Осы орайда компания мәлімдемесінде "АрселорМиттал Теміртау АҚ атқарушы директорының бұйрығына сәйкес Костенко атындағы шахта қызметкерлерінің еңбекақысы келесідей сақталатыны айтылған:

• 2023 жылдың 1-27 қазан аралығында жоспар 100% орындалғандай үстеме ақы төленеді;
• 2023 жылғы 28 қазан мен 31 қазан аралығында жұмыс тоқтатылған кезде орташа жалақы мөлшерінде төленеді;
• басқа құрылымдық бөлімшелерге жіберілген қызметкерлерге Қазақстан Республикасы Еңбек кодексінің 45-бабына сәйкес жалақы атқарған жұмысына сәйкес, бірақ негізгі жұмыс орны бойынша орташа жалақысынан төмен емес көлемде төленеді.

Компания өкілдері кеншілердің еңбекақысы төмендемейтінін атап өтті.

Айта кетейік, бұға дейін премьер-министрдің бірінші орынбасары Роман Скляр "АрселорМиттал Теміртауды" қазақстандық инвестор сатып алатынын мәлімдеген еді.