"Тұрғындар тарсыл естіген болуы мүмкін": Алматы әкімдігі не болғанын түсіндірді

Бүгін, таңертеңгі уақытта Алматыдағы "Южная" қазандығында электр қуаты өшіп қалды. Қалалық энергетика және сумен жабдықтау басқармасы қазандық қайтадан штаттық режимде жұмыс істей бастағанын мәлімдеді, деп хабарлайды қала әкімдігі Telegram-дағы ресми арнасында.

Қалалық энергетика және сумен жабдықтау басқармасының мәліметінше, 12 қарашада сағат 09.40-та Бостандық ауданындағы "Южная" қазандығында құрылғы ажырап, электр қуаты аз уақытқа берілмей қалған.

"№3 су жылыту қазандығында қалдық газ-ауа қоспасының тұтануымен автоматика жұмысында ақау болды.

Осы себепті жақын маңдағы үйлердің тұрғындары тарсыл естуі мүмкін", - деп хабарлады әкімдіктен.

Басқарма 10 минуттан кейін жылу желілерінің гидравликалық режимін қалпына келтіре отырып, сорғы қондырғылары іске қосылғанын, қазандық штаттық режимде жұмыс істейтінін мәлім етті.

Мәтіннен қате тапсаңыз, бізге жазыңыз