Алматыда көшелердің бірі жөндеуге уақытша жабылады

Алматыда Байзақов көшесінің учаскесі жөндеуге уақытша жабылады, деп хабарлайды Алматы әкімдігі Telegram-дағы ресми арнасында.

Алматы әкімдігі баспасөз қызметі ақпараты бойынша, Гоголь көшесінен Райымбек даңғылына дейінгі аумақтағы жол төсемі орташа жөндеуден өтеді. Қарашаның 21-і сағат 23:00-ден 22 қараша сағат 06:00-ге дейін көлік қозғалысы жабылады.

Тендерді ұтып алған мердігер 2023 жылдың тамызында жол жабынының беткі қабатын алып тастағанымен, жаңа жол жабынының жоғары қабатын төсемеген. Тапсырыс берушінің келісімінсіз жұмыс тоқтап, тек қазан айында қайта басталды.

Бұл ретте қазіргі таңға дейін түзетілмеген бірқатар ақау анықталған. Мердігермен келісімшарт бұзылып, оны жауапсыз компания деп тану үшін материалдар сотқа жіберілді.

Бүгінде бизнес әлеуметтік жауапкершілігі аясында бірнеше мердігер ұйым бірігіп жөндеу жұмыстарын жүргізеді.