"Дос-Мұқасан" ансамблінің әншісі Ақжол Мейірбеков өмірден өтті
Опубликовано:
"Дос-Мұқасан" ансамблінің әншісі Ақжол Мейірбеков дүниеден озды. Қаралы хабарды Qazaqstan.tv Telegram арнасында хабарлады.
Ақжол Мейірбеков 1950 жылы 7 шілдеде Оңтүстік Қазақстан облысы Арыс қаласында дүниеге келген.
1978 жылы "Дос-Мұқасан" ансамбліне қабылданып, 1985-1994 жылдары Алматы облыстық филармониясының "Арқас", "Сазген", "Адырна" ансамбльдерінде өнер көрсетті.
Әнші 1994-1996 жылдары "Гүлдер" ансамблінің көркемдік жетекшісі әрі директоры болды. Ал 2001 жылы "Ақжол" ән-театрын құрды.
KAZ.NUR.KZ редакциясы Ақжол Мейірбековтің отбасы мен жақындарына көңіл айтады.
Мақаланың түпнұсқасы: https://kaz.nur.kz/society/2047616-ansi-aqzol-meiirbekov-omirden-otti/
