"Қатты жел, қар аралас жаңбыр, тұман": қыстың алғашқы күндері елімізде ауа райы қандай болады

Синоптиктер 2-4 желтоқсанға арналған ауа райы болжамын ұсынды. Бұл туралы KAZ.NUR.KZ "Қазгидромет" РМК баспасөз қызметіне сілтеме жасап хабарлайды.

Алдағы күндері атлантикалық циклонның атмосфералық фронтальды бөліктерінің әсерінен Қазақстанның басым бөлігінде жауын-шашын (жаңбыр, қар) күтіледі.

Сипоптиктер 3 желтоқсанда еліміздің солтүстік-батысы мен солтүстігінде, 3-4 желтоқсанда шығыс өңірлерде, 4 желтоқсанда еліміздің оңтүстік-шығысындағы таулы аудандарда қатты жауын шашын болады деп болжады.

Одан бөлек, республиканың солтүстік жартысында көктайғақ пен бұрқасын болады деп күтілуде.

Республика бойынша тұман, екпіні 15-29 м/с-ке дейін жететін жел соғуы ықтимал. Еліміздің солтүстік-батысы мен солтүстігінде кей уақыттарда жел екпіні 30 м/с, тіпті одан да асуы мүмкін.

4 желтоқсаннан бастап солтүстік-батыс антициклон әсер етіп күн суытады, сондықтан Қазақстанның басым бөлігінде температураның күрт төмендейді.

Солтүстік-батыс және солтүстікте түнгі уақытта -7...-21 градус аяз болса, ал республиканың орталығы мен шығысында күн -5...-15 градусқа дейін суытады.

Оңтүстік өңірлерде ауа температурасы 0...-5 градусқа дейін төмендейді деп болжанды.

Мәтіннен қате тапсаңыз, бізге жазыңыз