Астана полициясы қала тұрғындарына үндеу жасады

Астана қаласының полиция департаменті ауа райының бұзылуына орай елорда тұрғындарына үндеу жасады, деп хабарлайды KAZ.NUR.KZ полиция департаментінің ресми Instagram парақшасына сілтеме жасап.

"Астана қаласының полиция департаменті күтілетін қар жаууына, көру мүмкіндігінің нашарлауына және көктайғақ пайда болуына байланысты елорда тұрғындары мен қонақтарын жолда аса сақ болуды, белгіленген жылдамдықты қатаң сақтауды, кенет тежеуге бармауды, жол қозғалысының жылдамдығын сақтауды, қашықтық, бүйірлік аралық және маневр жасау ережелері қатаң сақтауды сұрайды", - делінген ресми хабарламада.

Сондай-ақ тәртіп сақшылары жаяу жүргіншілерге де үндеу жасады. Оларға көшелерді белгіленген орындардан кесіп өтуге, қажет болған жағдайда бір-біріне көмектесуге кеңес берілді.