"30 градус аяз, қар": Қазақстанның ірі қалаларында бүгін ауа райы қандай болады

Синоптиктер Астана, Алматы мен Шымкентте 9 желтоқсанда ауа райы қандай болатынын болжады. Ауа райы болжамын OpenWeather порталы жария етті, деп хабарлайды KAZ.NUR.KZ.

Бүгін Алматыда қар жауады. Күндіз ауа температурасы -2 градусқа дейін көтеріліп, түнде -7 градусқа дейін төмендейді. Жел жылдамдығы 1,9 м/с болмақ.

Синоптиктердің болжамынша, Астанадада күн ашық болады. Күндіз ауа температурасы -20 градусқа дейін жетіп, түнде -30 градусқа дейін төмендейді. Жел жылдамдығы – 3,2 м/с болады.

Шымкентте де бүгін қар жауады деп күтілуде. Күндіз термометр бағаны 1 градусты көрсетсе, түнде -5 градусқа дейін төмендейді. Желдің жылдамдығы 3,6 м/с деңгейінде.