Top.Mail.Ru

Сайт нұсқасы

ru kz

Зектілері

Тәуелсіздік күніне орай Батыс Қазақстан облысында медициналық нысан ашылды

Опубликовано:

Медициналық нысан
Медициналық нысан. Фото: БҚО әкімдігі

Президентіміз Қасым-Жомарт Кемелұлы Тоқаевтың тапсырмасына сәйкес Үкімет қаулысымен өткен жылдың соңында "Ауылда денсаулық сақтауды жаңғырту" пилоттық ұлттық жоба аясында 2023-2025 жылдары Батыс Қазақстан облысында 50 медициналық нысан салу жоспарланған. Бүгінгі күні биылға жоспарланған 12 нысанның 6-ы халық игілігіне берілді. Қалған 6 нысан жыл соңына дейін берілетін болады.

Бүгін Тәуелсіздік күні мерекесі қарсаңында Теректі ауданына қарасты Сарыөмір ауылында БҚО әкімі Нариман Төреғалиев қатысуымен 6-нысанның ашылу салтанаты өтті. Бұл нысанды салуға республикалық бюджеттен 374 млн теңгеге жуық қаражат бөлінді. Құрылыс мерзімі 4 ай болса да, "Фирма ИСКОМ" ЖШС мердігер компаниясы белгіленген мерзімнен ерте аяқтады. Аталған дәрігерлік амбулатория күніне 35 адам қабылдай алады, заманауи медициналық құралдармен жабдықталған, ауыл тұрғындар арасында 22 адам тұрақты жұмыспен қамтылады.

Жаңа медициналық мекеме
Жаңа медициналық мекеме. Фото: БҚО әкімдігі

Дәргерлік амбулатория емдеу-профилактикалық объектісі болып саналады, ішінде жалпы дәрігерлік-профилактилық дәрігер кабинеті, процедуралық, физиотерапевттік, тіс емдейтін кабинеттер, акушер-гинеколог кабинеті, зертханалар мен дәріхана, сонымен қатар, дені сау баланың кабинеті және тағы да басқа қарастырылған.

Жаңа мекемеге берілген көлік
Жаңа мекемеге берілген көлік. Фото: БҚО әкімдігі

Жалпы биыл облысымызда денсаулық сақтау жүйесін қаржыландыруға 92 млрд. теңге қарастырылды. Осы жылы 5,5 млрд теңгеге медициналық жабдық сатып алу жоспарланған.

Қазіргі таңда 204 медициналық жабдық алынды. Сондай-ақ, облыста медициналық ұйымдарға жергілікті бюджет есебінен 1,7 млрд теңгеден астам қаражат бөлініп, 81 жедел жәрдем автокөлігі сатып алынды.

Ашылу салтанатынан сәт
Ашылу салтанатынан сәт. Фото: БҚО әкімдігі

Жалпы сомасы 1 млрд 733 млн теңгеге жуық қаржыға 22 денсаулық сақтау нысанына күрделі жөндеу жұмыстары жүргізілуде, оның ішінде "Ауыл-ел бесігі" жобасы аясында 6 нысан бар. 18 нысан бойынша жөндеу жұмыстары аяқталды.

Ашылу салтанатына қатысқан медицина қызметкерлері
Ашылу салтанатына қатысқан медицина қызметкерлері. Фото: БҚО әкімдігі

Өңір басшысы ауыл тұрғындарын ел дамуына, өмір сапасын арттыруға бағытталған жаңа нысанның ашылуымен және келе жатқан Тәуелсіздік күні мерекесімен құттықтады.

Жаңа медициналық мекеме
Жаңа медициналық мекеме. Фото: БҚО әкімдігі

Жаңа мекемедегі медициналық жабдық
Жаңа мекемедегі медициналық жабдық: БҚО әкімдігі

Мақаланың түпнұсқасы: https://kaz.nur.kz/society/2050108-tauelsizdik-kunine-orai-batys-qazaqstan-oblysynda-medicinalyq-nysan-asyldy/