Көлік жүргізушілері Алматы - Қонаев ақылы учаскедегі жол қардан тазаланбағанына наразылық білдірді (видео)

Бүгін, желтоқсанның 11-і желіде көлік жүргізушісі Алматы – Қонаев ақылы жолы (Алматы – Өскемен тас жолының бір бөлігі) қардан тазартылмағанын айтып, наразылығын білдіргені туралы видео пайда болды.

Қазақстандық көліктегі бейнебақылау камерасына түсірген видео kris__p__almaty Instagram парақшасында жарияланған. Видеодан жүргізуші көліктердің қар бораған жолмен жүруге мәжбүр екенін айтқанын естуге болады.

Автордың айтуынша, бұл жайт Алматы – Қонаев ақылы тас жолында байқалған.

Пікір білдірушілердің кейбірі бұл жолдар ақылы болғанына қарамастан, қардың тазаланбай жатқанына наразы болған.

"ҚазАвтоЖол" Telegram арнасы мәліметіне сүйенсек, желтоқсанның 11-і, дүйсенбіде сағат 18:30-дағы жағдай бойынша республикалық маңызы бар жолдарда, оның ішінде Алматы-Өскемен тас жолында 527 бірлік техника пайдаланылғанын, 1273 адам әрі шамамен 626 м3 мұздан тазарту материалы жұмсалған.

Сондай-ақ бұл жолдың бір бөлігінде ауа райы нашарлауына байланысты жүк тасымалдауға шектеулер енгізілді.

Айта кетейік, бүгін ауа райы нашарлағаны салдарынан Қазақстанның 12 облысында көлік қозғалысына шектеулер енгізілген болатын.

"11 желтоқсанда 18:30 сағаттағы ахуалға сәйкес ауа-райының нашарлауына (ауа температурасының төмендеуі, боран, көрінудің шектеуі) байланысты 12 облыстағы республикалық маңызы бар жолдардың 61 учаскесінде қозғалысқа шектеулер енгізілді", – делінген "ҚазАвтоЖол" Telegram арнасының хабарламасында.

Мәтіннен қате тапсаңыз, бізге жазыңыз