Елімізде аяздың беті қашан қайтады: синоптиктер болжам жасады

Синоптиктер алдағы үш күнде, яғни 14-16 желтоқсан аралығында Қазақстанда ауа райы қандай болатынын болжады. Бұл туралы KAZ.NUR.KZ "Қазгидромет" РМК ресми сайтына сілтеме жасап хабарлайды.

Метеорологтардың мәліметінше, алдағы күндері Қазақстанның басым бөлігінде жауын-шашынсыз ауа райы сақталады. Сонымен қатар аяздың беті қайта бастайды.

Болжам бойынша Қазақстанның шығысына арктикалық антициклон әсер етіп, осыған байланысты мұнда төмен температура және аяз сақталады.

15-16 желтоқсанда республиканың батысында, оңтүстігінде және оңтүстік-шығысында қар жауады деп күтілуде.

Синоптиктер еліміздің батысында, оңтүстігінде және оңтүстік-шығысында жел күшейіп, аздаған боран соғады деп болжады. Сондай-ақ таулы аймақтарда тұман түсіп, республиканың батысында шаңды дауыл тұруы мүмкін.

Елімізде түнде ауа температурасы ақырындап көтеріледі деп болжанып отыр. Ауа температурасы:

• батыста -5...-15 градус;
• солтүстік-батыс пен орталықта -10...-25 градус;
• солтүстікте -17...-28 градус;
• оңтүстікте -5...-18 градус;
• оңтүстік-шығыста -10...-25 градус болады.

Десе де мамандар алдағы күндері Қазақстанның шығысында -30...-40 градус аяз сақталатынын ескертті.

Мәтіннен қате тапсаңыз, бізге жазыңыз