Жезқазған жылу энергия орталығында бірнеше қазандық істен шықты: әкім жағдайға қатысты пікір білдірді

Жезқазған жылу энергия орталығында үш қазандық істен шықты. Қала әкімі Қайрат Шайжанов Жезқазған жылу энергия орталығындағы (ЖЭО) қазандықтардың қашан қалпына келетінін айтты, деп хабарлайды KAZ.NUR.KZ әкімдіктің Instagram-дағы ресми парақшасына сілтеме жасап.

Қала әкімі Қайрат Шайжановтың айтуынша, қазіргі уақытта ЖЭО-да 2 қазандық жұмыс істеп тұр.

"Жылу желілерінде нормадан 10 градус кем температура байқалады, яғни қалыпты 73 градустың орнына, бізде 63 градус. Кеше кешке №4 қазандықта жарықша пайда болды. Ақау анықталғаннан кейін қазандық өшіріліп,жөндеуге кірісті. Қазандық бүгін сағат 20:00-ге дейін қайта іске қосылатын болады", - деді қала басшысы.

Оның сөзінше, бүгін сағат 7:15-те №5 қазандықта тағы бір жарықша анықталды. Бұл жөндеу жұмыстары таңертең аяқталады деп күтілуде.

"№6 қазандық бүгін сағат 10:15 – те істен шықты. Түтін сорғыш қозғалтқышы істен шыққан. Аталмыш қазандық бүгін түн ортасына дейін қалыпқа келтіріледі деп жоспарланды.

Осы түнде 4 қазандық жұмыс істеп, температура қалыпқа келеді, ЖЭО таңертең 10.00-де 5-ші қазандықты іске қосуды жоспарлап отыр", - деді ол.

Посмотреть эту публикацию в Instagram

Публикация от Instagram

Мәтіннен қате тапсаңыз, бізге жазыңыз