Павлодарда ойыншықтан қолын шығара алмай қалған балаға құтқарушылар көмекке келді

Павлодарда ойыншықтан қолын шығара алмай қалған бүлдіршінге құтқарушылар көмекке келді. Шақыртуға бес маман келген, деп хабарлайды Pavlodarnews.kz.

Облыстық ТЖД баспасөз қызметінің хабарлауынша, төрт жасар баланың қолы пластикалық ойыншыққа қыстырылып қалған.

Ата-анасы өздігінен ұлының қолын ойыншықты шығара алмаған соң жедел құтқару жасағының мамандарынан көмек сұраған.

Оқиға орнынан келген мамандар ойыншықтың жиегін мұқият бөліп, баланың қолын ойыншықтан босатқан.

Бүлдіршінге медициналық көмек қажет болмаған.

Еске сала кетейік, бұған дейін павлодарлық құтқарушылар кір жуғыш машинаға кептеліп қалған бес жасар қыз баланы алып шыққан еді.