Астана-Щучинск жолы барлық автокөлік түрлеріне ашылды

Астана-Щучинск жолындағы барлық көлік түріне енгізілген шектеулер алынды. Бұл туралы "City Transportation Systems" ЖШС-на сілтеме жасаған KAZ.NUR.KZ хабарлайды.

"2 қаңтар күні сағат 07.30-дағы жағдай бойынша ауа райының тұрақталуына байланысты Астана-Петропавл тасжолындағы Астана-Щучинск бөлігі барлық көлік түрлеріне ашылды", — деп жазды "City Transportation Systems" ЖШС.

Айта кетейік, бұған дейін ауа райы нашарлауына байланысты елімізде бірқатар республикалық маңызы бар тасжол жабылған болатын.

31 желтоқсан күні Қарағанды облысының полицейлері өңір тұрғындарына үндеу жасап, алыс жолға шықпауға шақырған еді. Полиция қызметкерлері құтқарушылар, еріктілер мен жергілікті атқарушы органдармен бірге боранда жолда қалып қойған жандарға көмек көрсетті.