Алдағы күндері елдің кей өңірлерінде 25 градус аяз болады деп күтіледі

Синоптиктер Қазақстанда алдағы күндері ауа райы қандай болатынын болжады. Елдің солтүстігінде қатты аяз болады, деп хабарлайды KAZ.NUR.KZ тілшісі "Қазгидромет" РМК-ға сілтеме жасап.

Қазақстан аумағының басым бөлігінде әлі де тұрақсыз ауа райы сақталады.

"Жауын-шашын, негізінен қар, боран, көктайғақ, екпінді жел болады. Тек елдің оңтүстік-шығысында ауа райы негізінен жауын-шашынсыз болады деп күтіледі. Республиканың солтүстік-батысы мен солтүстігінде түнде температураның 0...-13-тен -5...-25 градусқа дейін өзгеруі күтіледі", - делінген хабарламада.

Бұған дейін синоптиктер 3 қаңтарда Астана, Алматы және Шымкент қалаларында қандай ауа райы күтілетінін айтқан болатын.

Мәтіннен қате тапсаңыз, бізге жазыңыз