Павлодар облысындағы кеніште болған апат: іздеу-құтқару жұмыстары қалай жүріп жатыр (видео)

Павлодар облысы төтенше жағдайлар департаменті автобус құлап кеткен "Майқайыңналтын" АҚ аумағында жүргізіліп жатқан іздеу-құтқару жұмыстарының барысы жөнінде баян етті, деп хабарлайды KAZ.NUR.KZ.

Ведомство өкілдері 9 қаңтарда ТЖД құтқарушылары мен маркшейдер маман топырақтың қозғалысы мен шұңқырдың түбін барлау үшін шұңқырға түсірілгелі жатқанын мәлім етті.

Қазір ауыр техниканың көмегімен автобустың ықтимал орналасқан жеріне өту жолын тереңдету жұмыстары жүргізіліп жатыр.

Іздеу жұмыстарына барлығы 142 адам, 49 техника, 3 кинологиялық есеп пен 2 ұшқышсыз ұшу аппараты (дрон) жұмылдырылған.

Еске салайық, Павлодар облысында 4 қаңтарға қараған түні Майқайың кеніші шахтасының жанында автобус карьерге құлап кетіп, екі адам қаза тапқан еді. Олардың денесі жер бетіне шығарылды.

Облыс әкімі Асайын Байхановтың айтуынша, автобуста 4 адам болған - Кәсіби әскерилендірілген авариялық-құтқару қызметтерінің республикалық орталық штабының Павлодар филиалының 3 қызметкері мен автобус жүргізушісі.

Бүгін Асайын Байханов оқиға орнынан видео жариялады.

Павлодар облыстық полициясы "Майқайыңалтын" АҚ аумағындағы апатқа қатысты тергеуді бастады.