Қазақстанның екі облысында ауа райына байланысты жол жабылды

Еліміздің 2 облысындағы республикалық маңызы бар автожолдардың 2 учаскесінде көлік қозғалысына шектеу енгізілді. Бұл туралы "ҚазАвтоЖолдың" баспасөз қызметі хабарлады.

Жамбыл облысында – 1 учаске 1. "Алматы-Ташкент-Термез" 159-238 км, Кенен ауылынан - Қайнар ауылына дейін – 79 км.

Шектеу автокөліктің барлық түрлері үшін қолданылады (екпінді жел, қар аралас жаңбыр, тұман, шектеулі көрініс).

Солтүстік Қазақстан облысында – 1 учаске 1. "Булаево-Возвышенка-Мологвардейское-Кирово-Қиялы-Рощинское" 62-228 км, Возвышенка ауылынан -Рощинское ауылына дейін – 166 км. Шектеу автокөліктің барлық түрлері үшін қолданылады (бұрқасын жел, шектеулі көрініс).

Ағымдағы сағатта республикалық маңызы бар автожолдарды қысқы күтіп-ұстауға 748 бірлік техника және 1363 жолшы жұмылдырылды.

Мәтіннен қате тапсаңыз, бізге жазыңыз