"Роскосмос" түнгі Астананың ғарыштан түсірілген сырлы суретін жариялады

Ресейлік "Роскосмос" мемлекеттік корпорациясы Астананың түнде ғарыштан түсірілген суретін көрсетті. Фото корпорацияның Telegram арнасында жарияланды, деп хабарлайды KAZ.NUR.KZ.

Фото авторы ретінде Олега Кононенко көрсетілген.

"Күн батқанда қалалар өзгеріп сала береді, бірі түн жамылып "ұйқыға кетеді", енді бірі – жан бітіп, жұздыздай жарқырай түседі.

Қазақстанның Астанасы – осы сөзімізге дәлел. Анықтап қарасақ, қала көрінісі сақина ішіндегі жүректі елестетеді", - делінген фотоға жазылған сипаттамада.

Айта кетерлігі, ресейлік ғарышкерлер ғарыштан түсірілген Жердің әр түрлі фотосын үнемі бөлісіп отырады. Фотосуреттерден Қазақстанды да жиі көруге болады.

Мәтіннен қате тапсаңыз, бізге жазыңыз