ҚТЖ басшысы жұмысшылардың 85-100 мың теңге жалақысына қатысты шағымдарға жауап берді

ҚТЖ басшысы Нұрлан Сауранбаев бүгін Сенат кулуарында жалақының төмендігінен ереуілге шыққан теміржолшылар туралы айтты. Бұл туралы KAZ.NUR.KZ хабарлайды.

Нұрлан Сауранбаев жұмысшылар наразылық білдіріп жатқанын айтты.

"Мұндай фактілер бар. Бірақ біз өз мүмкіндіктерімізді қарауымыз керек. Жалақыны инфляция пайызымен ғана көтере аламыз. Бізде 600-ден астам бөлімше бар. Маңғыстаулықтар жалақыны 50-100 пайызға көтеру мәселесін көтеріп жатыр. Бірақ олардың жалақысын көтеруге мен ақшаны қайдан аламын? Себебі бұл ақша тарифте болуы керек", - деп атап өтті ол.

Компания басшысы жоғары білімі жоқ бесінші разрядты монтер 450-ден 500 мың теңгеге дейін алатынын айтты.

"Қарашада 520 мың, ал желтоқсанда үстемеақыны есептегенде 750 мың теңге алған. Сізден сұрайын, бұл ауылдық жерлер үшін жақсы жалақы ма?" – деп сұраққа сұрақпен жауап берді ол.

Сауранбаев журналистерден айына 85-100 мың теңге аламын дейтіндерді көрсетуді сұрады.

"Маған сол адамдарды көрсетіңізші. Мен сізге Маңғыстау облысында жұмысшылардың ең жоғары жалақы алатынын айтып тұрмын, себебі олардың коэффициенті 1,8", - деді ҚТЖ басшысы.

Ол компания жұмысшылары 100 мың теңге алатынын растаған жоқ.

"Иә, негізгі емес жұмыстарды орындайтын жалдамалы жұмысшылар бар (мұндай соманы кім алатындар – ред. ескертпесі). Ал жұмысшы мамандықтары бізде жоқ, бұл 100 пайыз. Жалақы өңірге және коэффициентке байланысты", - деп атап өтті Сауранбаев.

Бұған дейін ҚТЖ басшысы Нұрлан Сауранбаев жалақысын жариялаған болатын.

Компания өкілдері өткен жылы ресми сайтында өз қызметкерлерінің жалақысы өсетінін хабарлаған.

Осылайша, 2023 жылдың 1 қаңтарынан бастап желілік кәсіпорындардың барлық қызметкерлерінің жалақысы 5 пайызға өсті, ал 2023 жылдың 1 наурызынан бастап қызметкерлердің жалақысын одан әрі 10 пайызға арттыру жоспарланған болатын.