Астанада ауа райының нашарлауына байланысты оқушылар мен колледж студенттері қашықтан оқиды

Астанада ауа райының нашарлауына байланысты бірінші ауысымдағы мектеп оқушылары мен колледж студенттері қашықтан оқиды. Бұл жайлы елорда әкімдігі ресми сайтында хабарлады.

"Ауа райының нашарлауына байланысты 2024 жылдың 16 ақпанында 0-11 (12) сынып оқушылары мен колледждердің 1-2 курс студенттері (9-сынып базасында) бірінші ауысымда қашықтан оқыту форматына ауыстырылады", - делінген Астана қаласы білім басқармасының хабарламасында.

Айта кетейік, "Қазгидромет" синоптиктері 16 ақпанда күн бұлтты, жауын-шашынсыз ауа райы болады деп болжады. Ауа температурасы түнде -33-35 дейін, күндіз -27-29 градусқа дейін төмендейді.

Мәтіннен қате тапсаңыз, бізге жазыңыз