Демалыс күндері елімізде 38 градусқа дейін аяз болады

Синоптиктер 17-19 ақпан аралығында Қазақстанда аяз күшейеді. Еліміздің оңтүстік-шығысында қалың қар жауады жауады, деп хабарлайды "Қазгидромет" РМК-ға сілтеме жасаған KAZ.NUR.KZ.

Синоптиктердің болжамынша, 17-19 ақпан аралығында Қазақстанның басым бөлігінде аяз сақталады.

Сонымен қатар ертең, 17 ақпанда республиканың оңтүстік-шығысында ғана қар жауады. Таулы аймақтарда қалың қар, тұман, көктайғақ, бұрқасын күтіледі.

Мамандар Қазақстанның солтүстік және шығыс облыстарында демалыс күндері ауа температурасы түнде -30...-38 градус, күндіз -20...-28 градус аяз болады деп болжады.

Республиканың оңтүстік-шығысында ауа температурасы түнде -15...-25 градусқа дейін, таулы аймақтарда -30...-35 аязға дейін, күндіз -10...-25 градусқа дейін төмендейді.

Бүгін Алматыда қалың қар жауды. Күндіз ауа температурасы, бұрын синоптиктер айтқандай, 7 градусқа дейін көтерілсе, түнде -12 градусқа дейін төмендейді. Желдің жылдамдығы 3,6 м/с болады.

Кеше қала әкімдігі Алматыда 16 ақпандағы таңнан 17 ақпанға қараған түнге дейін жаңбыр түріндегі жауын-шашын, қалың қарға ұласатынын ескертті.

Төтенше жағдайлар департаменті мен мегаполис тұрғындарына үндеу жолдап, тәртіп сақшылары жол қозғалысы ережесін сақтауға шақырды.