Бұрынғы ТЖМ басшысы Сырым Шәріпханов қазір қайда жүр

Үкіметте өткен баспасөз мәслихатында Төтенше жағдайлар министрі Шыңғыс Әрінов ведомствоның бұрынғы басшысы Сырым Шәріпхановты жұмысқа шақыру мәселесіне тоқталды. Бұл туралы KAZ.NUR.KZ тілшісі хабарлайды.

"Ол кісімен басында-ақ сөйлестік, сондықтан назардан тыс қалмады. Әртүрлі ұсыныс айтылды. Дегенмен Сырым Шәріпханов денсаулығын, отбасы жағдайын дұрыстап алған соң, бір айдың ішінде шешім қабылдайтынын айтты. Біз жақтан барлық ұсыныс жасалды", - деді Шыңғыс Әрінов.

Айта кетсек, Сырым Шәріпханов Төтенше жағдайлар министрі болып 2023 жылғы маусымда тағайындалды.

Ал 2024 жылғы 6 ақпанда оның орнына Шыңғыс Әрінов Төтенше жағдайлар министрлігіне басшылыққа келген болатын.