"Тарбағатай" ұлттық паркінің басшысы ағасын заңсыз жұмысқа алып, оған 4 жыл бойы жалақы төлеп келген
Жарияланған күні:
Абай облысы прокуратурасы "Тарбағатай" ұлттық табиғи паркінің басшысы ағасын орман қорғау жөніндегі мемлекеттік инспектор ретінде заңсыз жұмысқа алу фактісін анықтады. Бұл туралы KAZ.NUR.KZ қадағалу органының ресми сайтына сілтеме жасап хабарлайды.
Облыс прокуратурасы "Тарбағатай" мемлекеттік ұлттық табиғи паркі" РММ басшысы ағасын заңсыз жұмысқа алғанын, ол 4 жыл бойы функционалдық міндеттерін нақты орындамай жалақы алғанын анықтады.
Прокуратураның қадағалау актісі негізінде "Тарбағатай" МҰТП" РММ талабы бойынша сот шешімімен 5,5 млн теңге көлемінде заңсыз алынған жалақы өндірілді.
Бүгінгі күні сот шешімі заңды күшіне еніп, заңсыз төленген сома мемлекет кірісіне берілген.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/accidents/crime/2063246-tarbagatai-ulttyq-parkinin-bassysy-agasyn-zansyz-zumysqa-alyp-ogan-4-zyl-boiy-zalaqy-tolep-kelgen/