Дәрігерлер Алматыдағы күшті жер сілкінісіне қарамастан науқасқа ота жасауды жалғастырған (видео)

Бүгін, 4 наурызда алматылық дәрігерлер күшті жер сілкінісіне қарамастан, науқасқа ота жасауды жалғастырды. Хирург Марат Саршаев операция бөлмесінде болған жағдай туралы Facebook желісінде айтты, деп хабарлайды KAZ.NUR.KZ.

Дәрігердің айтуынша, көпбалалы жас ана операция үстелінде жатқан. Барлығы жоспар бойынша жүріп жатқанда, кенеттен қатты жерасты дүмпулері басталды.

"Бүгін біздің жадымызда мәңгі қалатын сынақпен бетпе-бет келдік. (...)

Қорқыныш, күмән, жігер – бәрі сол сәтте араласып кетті. Операция тобының негізгі хирургы ретінде менде таңдау тұрды: персоналды эвакуациялау және олардың қауіпсіздігін қамтамасыз ету немесе науқастың өмірін сақтап қалу үшін барлығын қатерге тігіп, операцияны жалғастыру.

Әрқайсымыз қорқыныш пен белгісіздікке қарамастан, борыш пен адамгершіліктің пайдасына таңдау жасадық. Біз жұмысты жалғастырып, күшіміз бірлікте екенін дәлелдеп, операцияны сәтті аяқтадық", - деп жазды Марат Саршаев.

Хирург өз ұжымына ризашылығын білдіріп, операцияға қатысқандарды тізіп өтті:

• Маханбетхан Шаяхмет;
• Құжат Досхан;
• Теменова Аслы;
• Нағыметова Айжарық;
• Оборонко Е.

"Сол қиын сәтте антыңызға адал болғаныңыз үшін рахмет", - деді ол.

Мәтіннен қате тапсаңыз, бізге жазыңыз