8 наурызда Қазақстанның қай қалаларында қыз-келіншектер автобуста тегін жүреді

Халықаралық әйелдер күніне орай Қазақстанның кей қалаларында қыз-келіншектерге қоғамдық көлікте жүру тегін болады. Бұл туралы KAZ.NUR.KZ хабарлайды.

Ақтау қаласы әкімдігінің ресми сайтындағы мәліметінше, ертең, 8 наурызда әйелдер үшін №1, 2, 3, 4, 4М, 5, 6, 7, 8, 9 бағыттарында жол жүру тегін болады.

Қоғамдық көліктер 6:40 пен 21:00 аралығында жұмыс кестесіне сәйкес жұмыс істейді.

Ақтөбе қаласы әкімдігінің Instagram желісіндегі ресми парақшасындағы ақпарат бойынша мереке күні қыз-келіншектер, аналар, әжелер жол ақысын төлемейді.

Қалаға қызмет көрсететін бес компанияның да автобустары 8 наурызда әдеттегі кесте бойынша қатынайтын болады.

Әкімдік өкілдері атыраулық әйелдерге де осындай сыйлық жасауды ұйғарды. Қалалық әкімдіктің Instagram-дағы парақшасында қала маңындағы маршруттарда да нәзік жандыларға тегін жол жүру қарастырылған деп жазылған.

Атырауда автобустар әдеттегі кесте бойынша сағат 07:00-ден 20:00-ге дейін жүреді.

Алматы әкімдігінің баспасөз қызметінен NUR.KZ тілшісіне хабарлауынша, оңтүстік астанада бұндай жеңілдік жоспарланбаған.

Мәтіннен қате тапсаңыз, бізге жазыңыз