Қар, жаңбыр: демалыс күндері елімізде ауа райы қандай болады

Синоптиктердің пайымдауынша, алдағы үш күнде – 9, 10, 11 наурызда еліміздің басым бөлігінде жауын-шашын күтіледі, деп хабарлайды "Қазгидромет" РМК баспасөз қызметіне сілтеме жасаған KAZ.NUR.KZ.

Синоптиктердің болжамына сәйкес, алдағы күндері Қазақстанның басым бөлігінде Солтүстік және Оңтүстік циклондарға байланысты қар аралас жаңбыр, жауын-шашын, көктайғақ күтіледі, жел күшейіп, боран болуы ықтимал.

Сенбіде Қазақстанның басым бөлігінде қатты жаңбыр жауады, оңтүстікте, оңтүстік-шығыстың таулы аймақтарында әрі орталық Қазақстанда қар мен жаңбыр аралас жаңбыр болуы мүмкін. 10 наурызда болса еліміздің шығысында қатты жаңбыр жауады деген болжам бар.

Сондай-ақ синоптиктер еліміздің температуралық фонында айтарлықтай өзгерістер күтілмейтінін айтты.

Мәтіннен қате тапсаңыз, бізге жазыңыз