Балаларға ораза ұстау міндет пе: ҚМДБ жауап берді

Қазақстан мұсылмандары діни басқармасы балаларға ораза ұстау міндет пе деген сұраққа жауап берді. Бұл туралы мүфтияттың ресми сайтына сілтеме жасаған KAZ.NUR.KZ хабарлайды.

"Үш адамнан (амал дәптерін жазатын) қалам көтерілді: айыққанға дейін жынданған адамнан, оянғанға дейін ұйқыдағы адамнан, балиғатқа толғанға дейін баладан".

Алайда балаларды құлшылыққа баулу мақсатында ораза ұстатқызу – мұстахап. Хадисте: "Біз балаларымызға ораза ұстатқызып, оларға жүннен ойыншық жасап қоятынбыз. Егер біреуі тамақ сұрап жыласа, ауыз ашар уақыты келгенше (ермек қылып отырсын деп) сол ойыншықты беретінбіз делінеді", - делінген ҚМДБ жауабында.

Айта кетейік, Қасиетті Рамазан айы 11 наурызда басталды. Ал сәуірдің 5-нен 6-на қараған түнінде Қадір түні болады. 10 сәуірде болса Ораза айт мерекесі өтеді.

Мемлекет басшысы Қасым-Жомарт Тоқаев пен Қазақстан мұсылмандары діни басқармасының төрағасы Наурызбай қажы Тағанұлы қазақстандықтарды ораза айының басталуымен құттықтаған болатын.