Алматы әуежайында рейстер кешігіп жатыр

Алматы әуежайында ауа райының қолайсыздығына байланысты бірқатар рейс кешігіп жатыр. Бұл туралы KAZ.NUR.KZ хабарлайды.

Алматы халықаралық әуежайында бүгін, 13 наурызда ауа райының қолайсыздығына байланысты рейстер кешігіп жатыр. Бұған әуежайдың ресми сайтындағы ақпарат дәлел.

Мәселен, сағат 10:20-дағы ақпарат бойынша Өскемен, Астана, Шымкент, Жидда, Ақтау, Атырау және басқа да қалалардан ұшып келетін ұшақтар кешігіп жатыр.

Айта кетейік, Алматыда қар әлі жауып жатыр, синоптиктердің болжамынша, түскі сағат үш шамасында тоқтайды. Бұл ретте қаланың тау бөктеріндегі аудандарында түнде қар қалыңдығы 10 см-ге дейін жеткен.