Алматыда екі күн бойы қар жауды: тазалау жұмыстары қалай жүріп жатыр (фото, видео)

Алматыда екі күн қатарынан қар жауды. Әкімдік өкілдері қар тазалау жұмыстары қалай жүріп жатқанын айтты, деп хабарлайды KAZ.NUR.KZ ведомствоға сілтеме жасап.

Әкімдіктің мәліметінше, Алматыда 14 наурыз күні сағат 15:30-дан 15 наурыз 5:00-ге дейін 15 см қар жауды.

Түнгі уақытта 367 техника мен 171 жол қызметкері қаланы қардан тазартты.

"Мұзға қарсы тазарту материалдарын тарату үшін 148 құм себетін машина қолданылып жатыр. Сағат 07:00-дегі жағдай бойынша 1193 тоннасы пайдаланылды", - делінген ведомство хабарламасында.

Кешкі сағат 20.00-ден таңғы 6.00-ге дейін 16 көлік колоннасы жол полициясының патрульдік көліктерінің ілесуімен мегаполис көшелеріндегі қарды тазалады.

Сағат 07:00-де 520 текше метр қар шығарылды. Таңертеңгілік қарбалас уақыттан кейін қар тазалау жұмыстары жалғасады, деп атап өтті әкімдік.

Қазіргі уақытта 160 шағын жаяу жүргіншілер жолын тазалау техникасы жаяу жүргіншілер жолы мен қоғамдық аумақтарды тазалауды жалғастыруда.

"Әлеуметтік маңызы бар нысандарға апаратын жолдар, қоғамдық көлік аялдамалары мен жол үсті жаяу жүргіншілер өткелдері тазартылуда.

Сағат 08:00-ден бастап 394 арнайы техника, оның ішінде 145 құм себетін, 169 жаяу жүргіншілер жолын тазалайтын техника және 602 жол жұмысшысының шығады деп жоспарлануда", - деп қорытындылады әкімдік.

Әкімдік "Қазгидрометке" сілтеме жасап, бүгін қалада ауа температурасы 2 градус Цельсийге жетеді деп күтілуде, жауын-шашын болмайды деп хабарлайды.

Естеріңізге сала кетейік, Алматыда қар 12 наурыз күні кешкі уақытта басталған болатын. 13 наурыз күні таңертең қаланың тау бөктеріндегі аудандарында түнде 10 см-ге дейін қар түскені хабарланды.

14 наурыз күні кешкілік жағдай қиындады: қалада 11 баллдық кептеліс туындады. Ауа райының қолайсыздығына байланысты әуежай рейстерді тоқтатып, ұшып шығу рейстерін кейінге қалдырды. Мұзды қарсы жұмыстарды жүргізу уақытша қолжетімсіз екені хабарланды. Кейін әуежайда рейстердің жағдайы мен әуежай жұмысын қалпына келгені айтылды.