Қазақстан полициясы күшейтілген жұмыс нұсқасына көшті

Мерекелік демалыс күндері Қазақстанда 22 мыңнан астам полицей мен Ұлттық ұлан қызметшілері қоғамдық тәртіпті сақтауға жұмылдырылады. Бұл туралы Polisia.kz Telegram-дағы арнасында хабарлады.

Ведомство мәліметінше, Наурыз мейрамын тойлау кезінде еліміздің тәртіп сақшылары қызмет өткерудің күшейтілген нұсқасына көшті.

"Республика бойынша 22 мыңнан астам полиция қызметкері мен Ұлттық ұланның әскери қызметшісі қызметке кірісті.

Сонымен қатар жедел басқару орталықтарының бейнебақылау жүйесі арқылы мерекелік іс-шаралар өткізілетін орындарда бақылау күшейтілді", - делінген хабарда.

Ішкі істер министрлігі қоғамдық тәртіп пен жол қауіпсіздігін қамтамасыз ету шаралары күшейтіліп жатқанын мәлімдеді.

Мәтіннен қате тапсаңыз, бізге жазыңыз