"Ресейден келіп жатыр": Қостанай облысында тасжол су астында қалды

Қостанай облысында "Қарабұтақ – Комсомольское – Денисовка – Рудный – Қостанай" тасжолының -22 учаскесіндегі жолдарда су тасқыны болды. Бұл туралы KAZ.NUR.KZ "ҚазАвтоЖол"-ға сілтеме жасап хабарлайды.

Ресейден көп мөлшерде судың келуіне және "Қарабұтақ – Комсомольское – Денисовка – Рудный – Қостанай" тасжолының А-22 учаскесіне Тобылдың тасуына байланысты Қостанай облысындағы жол бойында су тасқыны болды.

"5 сәуірде сағат 09:00 шамасында "Қарабұтақ – Комсомольское – Денисовка – Рудный – Қостанай" тасжолының А-22 учаскесінде 253 және 254 километрінде су тасқыны салдарынан жол бөлігінде екі рет су тасқыны тіркелді. Бұған Тобыл өзенінің тасуы және Ресей Федерациясынан судың көп келуі себеп болған. Бірінші арнасының ені 250 м, биіктігі 15 см, ал екіншісінің ені 300 м, биіктігі 15 см.

Жолдың бұл бөліктерінде екі су өткізгіш құбыр бар.

Қауіпсіздікті қамтамасыз ету үшін тәулік бойы кезекшілік ұйымдастырылып, қажетті ескертуі бар жол белгілері, дабыл белгісі бар бағаналар орнатылды. Сондай-ақ жол жиегін инертті материалмен және құм салынған қаптармен нығайту жұмыстары жүргізіліп жатыр", - делінген "ҚазАвтоЖол" хабарламасында.

Қазіргі уақытта су тасқыны болған учаскелерде 4 техника мен 9 адам жұмылдырылған. Жол қозғалысына шектеулер жоқ екені деп хабарлады компания өкілдері.

Айта кетейік, Қостанай облысында су тасқыны Наурыз мерекесінен кейін басталды. Бастапқыда Арқалық қаласында 10-нан астам жеке тұрғын үйлер мен аула аумақтарын су басқандығы хабарланған болатын.