"Жаңбыр, тұман": елімізде алдағы күндері ауа райы қандай болады

Синоптиктер республика бойынша 6-8 сәуірге арналған ауа райы болжамын ұсынды. Бұл туралы KAZ.NUR.KZ "Қазгидромет" РМК баспасөз қызметіне сілтеме жасап хабарлайды.

Метеорологтардың мәліметінше, еліміздің басым бөлігінде атмосфералық фронттардың әсерінен құбылмалы ауа-райы күтіледі.

Алдағы күндері республика бойынша жаңбыр жауады деп бложанған.

Мамандардың болжамынша, 6-8 сәуірде түнгі уақытта солтүстік-батыста, 8 сәуірде солтүстікте жауын-шашын (жаңбырдың соңы қарға ұласады) жауып, жел күшеюі ықтимал.

Сонымен қатар 6 сәуірде Батыс Қазақстан, Түркістан және Жамбыл облыстарында, 6-7 сәуірде Алматы облысында, 8 сәуірде Ұлытау және Қарағанды облыстарында көп мөлшерде жауын-шашын түседі.

Синоптиктер еліміздің оңтүстік аймақтарында найзағай ойнап, бұршақ жауып, дауыл соғады деп болжады. Сондай-ақ алдағы күндері Қазақстан бойынша түнгі және таңертеңгі сағаттарда тұман болады.

Республикамыздың солтүстік-батысы мен солтүстігінде ауа температурасы күндіз +13...+20 градус +7...+15 градусқа дейін төмендейді. Еліміздің орталығы мен шығысында күндіз термометр бағаны +15...+20 градусқа дейін көтеріледі.