Атбасар қаласын су басып, ауданда төтенше жағдай жарияланды (видео)
Жарияланған күні:
Жабай өзенінде су деңгейінің көтерілуіне байланысты Ақмола облысының Атбасар қаласында су тасқыны болды. Бұл туралы KAZ.NUR.KZ ТЖМ-ге сілтеме жасап хабарлайды.
Атбасар ауданы әкімдігінің мәліметінше, 2024 жылғы 11 сәуірде Атбасар қаласында сағат 4.58-де Жабай өзені тасыды.
"Барлық ескерту жүйесі дереу іске қосылды. Халықты эвакуациялау, сондай-ақ объектілер мен тұрғын үйлерді қорғау бойынша іс-шаралар жүргізілуде. Қазіргі уақытта мотопомпалардың көмегімен еріген суды сору жұмыстары жүргізілуде. Азаматтық қорғаудың мемлекеттік жүйесінің 400-ден астам адамы мен 100 техникасы жұмылдырылды", - делінген хабарламада.
Сондай-ақ Атбасар ауданының әкімі Аманбек Қалжановтың өңірде болған су тасқынына байланысты тұрғындарға үндеу жасады.
"Құрметті, Атбасар тұрғындары! 11 сәуірде Жабай өзені деңгейінің 5,8 м-ге дейін көтерілуіне байланысты (критикалық деңгей 4,45 м), Атбасар қаласының бірнеше учаскелерінде су тасқыны болды. Су тасқынан қарсы іс-шаралар және тұрғындарды эвакуациялау жұмыстары жүргізілуде. Қазіргі уақытта аудан төтенше жағдай жарияланды. Қалада эвакуация пункттері жұмыс істеп жатыр", - деді аудан басшысы.
- Министрлік өкілдері су тасуы мүмкін өңірлерді атады
- Бектенов Ресейдегі тасқын су Орал мен Атырауға қарай жылжып келе жатқанын айтты
Мәтіннен қате тапсаңыз, бізге жазыңыз
Оригинал статьи: https://kaz.nur.kz/accidents/emergency/2082887-atbasar-qalasynda-su-tasqyny-boldy/