Ақтөбе облысында қорғаныш бөгетінің топырақ үйіндісін су шайып кетті

Ақтөбе облысында Торғай өзеніндегі су деңгейінің көтерілуіне байланысты Нұра ауылының қорғаныш бөгетінің топырақ үйіндісі шайылып кетті, деп хабарлайды "Диапазон" басылымы.

Журналистерге облыс әкімдігінің баспасөз қызметі берген хабар бойынша, Нұра кентіне кеше кешке су келе бастаған. Бұл жерде 126 адам бар екені айтылады, олардың 119-ы ауыл тұрғындары, олар ауылды құтқару үшін сол маңда қалған.

Сонымен қатар, жағдайды зерттеу үшін ТЖД бастығы Ми-8 тікұшағымен аттанған.

Басылымның хабарына қарағанда, бөгет бұзылғанға дейін мұнда 1100 қап топырақ төселіп, 390 тонна инертті материал жеткізілген. Бөгет бұзылғанға дейін екі күн бұрын Нұрадан 570-тен астам адам, оның ішінде 326 бала эвакуацияланған.

Ырғыз ауылындағы эвакопунктте 242 адам орналастырылып, туыстарына 310 адам жеткізілді, оның ішінде 195 бала бар. Қазір 20 адам, оның ішінде 7 бала ауылға оралды. Әкімдіктің мәліметінше, Нұрада барлығы 112 тұрғын үй бар, 691 адам тұрады.