Алматыда нөсер жаңбыр: қаланың коммуналдық қызметі тәулік бойы жұмыс істеп жатыр (фото)
Опубликовано:
![Каналды тазалап тұрған коммуналдық қызметкер Каналды тазалап тұрған коммуналдық қызметкер](https://cdn.nur.kz/images/1120x630/4b28708480f6e721.jpeg)
Алматыда жауған нөсер жаңбырға байланысты қаланың коммуналдық қызметі тәулік бойы жұмыс істеп жатыр. Бұл туралы қала әкімдігінің баспасөз қызметіне сілтеме жасаған KAZ.NUR.KZ хабарлайды.
Ведомствоның мәліметінше, Алматыда жауын-шашын түсуіне байланысты түнгі уақытта арықта судың кедергісіз ағып кетіп, жекелеген аумақтарда су басу қаупінің алдын алу үшін мотопомпамен, тазалаушы заттармен және т.б. құралдармен жабдықталған 52 жедел мобильді бригада түнгі уақытта кезекшілікке шықты. Құм салынған 2,3 мың қап дайындалды.
![Коммуналдық қызметкерлер арықтарды тазалап жатыр Коммуналдық қызметкерлер арықтарды тазалап жатыр](https://cdn.nur.kz/images/1120/627038a4d2043ca7.jpeg)
Жалпы түнгі кезеңде 236 арнайы жабдық, 28 мотопомпа және 215 жұмысшы жұмылдырылды. ТЖ бойынша жедел кезекшінің мәліметінше 16 сәуір сағат 07:00 су басқан аумақ тіркелмеген.
![Коммуналдық қызметкерлер арықтарды тазалап жатыр Коммуналдық қызметкерлер арықтарды тазалап жатыр](https://cdn.nur.kz/images/1120/31ab6344f2a6d9b1.jpeg)
Күндізгі ауысымда 425 техника және 802 жұмысшы кезекшілікке шығады. Ауысымның өзгеруі желіге мейлінше көп техниканың шығуы үшін кезең-кезеңмен жүргізіледі. Аудан әкімдіктерінде жұмысты бақылау үшін тәулік бойы кезекшілік ұйымдастырылды.
Мақаланың түпнұсқасы: https://kaz.nur.kz/society/2085431-almatyda-noser-zanbyr-qalanyn-kommunaldyq-qyzmeti-taulik-boiy-zumys-istep-zatyr-foto/